Navoiy viloyati hokimligi “Yagona buyurtmachi xizmati” injiniring kompaniyasi rahbarlarini (direktor, direktor o‘rinbosari va bosh muxandis)  O‘zbekiston Respublikasi Vazirlar Mahkamasining 2021 yil 30 maydagi “Kapital qurilish sohasida buyurtmachi xizmati faoliyatini tubdan isloh qilish chora-tadbirlari” to‘g‘risidagi 321-son qaroriga asosan lavozimga tayinlash va lavozimdan ozod etish Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal xo‘jaligi masalalari kotibiyati bilan kelishgan holda, Qurilish vazirining taqdimnomasi asosida yuqori turuvchi vazirliklar, idoralar hamda mahalliy hokimliklarning tegishli buyrug‘i asosida belgilangan tartibda;
Buyurtmachi xizmatining texnik nazorat bo‘yicha mutaxassisi lavozimiga tayinlash va lavozimdan ozod etish Qurilish vazirligi bilan kelishgan holda vazirliklar, idoralar hamda mahalliy hokimliklar huzuridagi buyurtmachi xizmatining tegishli buyrug‘i asosida amalga oshiriladi. 
Navoiy viloyati hokimligi “Yagona buyurtmachi xizmati” injiniring kompaniyasi bo‘limlaridagi vakant lavozimlarga ishga qabul qilish uchun tanlov asosida saralab olish malaka talablariga mos keladigan (Arxitektura hamda bino va inshootlar qurilishi, oliy muxandis-quruvchi, oliy iqtisodchi yoki oliy muxandis-iqtisodchi diplomiga ega bo‘lgan, qurilish ishlarida kamida 3 yil ish tajribasiga ega bo‘lgan nomzodlar) taklif etiladi.
Navoiy viloyati hokimligi “Yagona buyurtmachi xizmati” injiniring kompaniyasining 2022 yil 5 yanvar sanasidagi  shtatlar jadvaliga muvofiq 45 ta ish o‘rni tasdiqlangan. Bugungi kun holatiga vakant lavozimi mavjud emas.